ហេតុអ្វីប្រធានអាស៊ានមិនមកកម្ពុជា?
Radio Free Asia
ដោយ ទីន ហ្សាការីយ៉ា
2011-04-25
URL:http://www.rfa.org/khmer/indepth/asean_leader_dont_come-04252011071558.html
គម្រោងទស្សនកិច្ចរបស់ប្រធានអាស៊ាន លោក មាទី ណាតាឡេ ហ្គាវ៉ា (Marty Natalegawa) មកកម្ពុជា ត្រូវបានពន្យារពេលវិញហើយ នៅខណៈដែលកងទ័ពខ្មែរ-ថៃ កំពុងតែបន្តការវាយប្រហារគ្នា។
ប្រធានសមាគមអាស៊ាន និងជារដ្ឋមន្ត្រីក្រសួងការបរទេសឥណ្ឌូណេស៊ី បានពន្យារពេលអញ្ជើញមកកម្ពុជាគ្មានពេលកំណត់ និងគ្មានមូលហេតុច្បាស់លាស់ ដើម្បីចុះហត្ថលេខាលើលក្ខខ័ណ្ឌប្រតិបត្តិដាក់អ្នកសង្កេតការណ៍ឥណ្ឌូណេស៊ីនៅខ្សែបន្ទាត់ព្រំដែនខ្មែរ-ថៃ។
មន្ត្រីនាំពាក្យក្រសួងការបរទេសខ្មែរ លោក កុយ គួង បានឲ្យដឹងថា នៅព្រឹកថ្ងៃទី២៥ មេសា ក្រសួងការបរទេសកម្ពុជាបានទទួលលិខិតពន្យារពេលពីលោក ម៉ាទី ណាតាឡេហ្គាវ៉ា (Marty Natalegawa) ដោយមិនបានបញ្ជាក់អំពីមូលហេតុ ហើយក៏មិនបានបញ្ជាក់អំពីកាលបរិច្ឆេទជាថ្មី ថានៅថ្ងៃណា លោកនឹងកំណត់ពេលមកប្រទេសកម្ពុជាទេ។
ការពន្យារពេលរបស់ប្រធានអាស៊ាន លោក ម៉ាទី ណាតាឡេហ្គាវ៉ា ត្រូវបានអ្នកវិភាគនយោបាយកម្ពុជាពន្យល់ថា នៅក្នុងកាលៈទេសៈដែលទាហានទាំពីរកំពុងតែប្រយុទ្ធគ្នា នៅឯសមរភូមិ ហើយប្រធានអាស៊ានបានពន្យារពេលទៅវិញនេះ វាបង្ហាញកាន់តែច្បាស់ថែមទៀតថា អាស៊ានមិនមានអំណាចអ្វីដើម្បីឲ្យថៃបញ្ឈប់បទឈប់បាញ់ជាអចិន្ត្រៃយ៍បាននោះឡើយ។
ប្រធានមជ្ឈមណ្ឌលវប្បធម៌ជាតិ និងសីលធម៌សង្គម លោក ប៉ូ សំណាង បានអធិប្បាយថា ភាគីថៃក៏មានតួនាទីធំនៅក្នុងសមាគមអាស៊ានដែរ ថៃគឺជាអគ្គលេខាធិការអាស៊ាន ដូច្នេះគេមិនសង្ឃឹមថា ប្រធានអាស៊ានមានឯករាជ្យភាពក្នុងការដោះស្រាយបញ្ហាជម្លោះខ្មែរ-ថៃនេះទេ។
ទោះជាយ៉ាងនេះក្ដី គេសង្កេតឃើញថា លោក មាទី ណាតាឡេហ្គាវ៉ា ក៏បានខិតខំដើម្បីស្វែងរកច្រកមួយដោះស្រាយបញ្ចប់ជម្លោះខ្មែរ-ថៃនេះដែរ ពីព្រោះកាលពីថ្ងៃទី២៣ មេសា លោកបានផ្ញើលិខិតមួយច្បាប់ឆ្លើយតបទៅនឹងលិខិតស្នើសុំអន្តរាគមន៍របស់លោក ហោ ណាំហុង កាលពីថ្ងៃទី២២ មេសា នេះ។
ក្នុងលិខិតនោះ បានបញ្ជាក់ពីភាពចាំបាច់ដើម្បីជៀសវាងកុំឲ្យប៉ះទង្គិចផ្ទុះអាវុធជាថ្មីម្ដងទៀត លក្ខខ័ណ្ឌប្រតិបត្តិដាក់អ្នកសង្កេតការណ៍ឥណ្ឌូណេស៊ីនៅខ្សែបន្ទាត់ព្រំដែន ត្រូវតែបន្តធ្វើការចរចាពីបញ្ហាព្រំដែនខ្មែរដោយមានការចូលរួមពីប្រធានអាស៊ាន និងប្រធានអាស៊ានបានជួនដំណឹងវាយប្រយុទ្ធគ្នារវាងកងទ័ពខ្មែរ-ថៃ ទៅក្រុមប្រឹក្សាសន្តិសុខអាស៊ានរួចហើយ ដើម្បីឲ្យមានវិធានការសមសម្រប។
ស្របពេលជាមួយគ្នា កាលពីថ្ងៃទី២៤ មេសា អគ្គលេខាធិការអង្គការសហប្រជាជាតិ លោក បាន គីមួន (Ban Ki-moon) ក៏បានស្នើឲ្យកម្ពុជា-ថៃ បញ្ឈប់ធ្វើសង្គ្រាមនិងគ្នាជាបន្ទាន់ ហើយអំពាវនាវឲ្យភាគីទាំងពីរដោះស្រាយបញ្ហានេះដោយសន្តិវិធី និងឲ្យមានប្រសិទ្ធភាពវិញ។ ផ្ទុយទៅវិញ ការវាយប្រយុទ្ធគ្នារវាងកងទ័ពទាំងពីរនៅតែបន្តរហូតដល់ថ្ងៃទី២៥ មេសា នេះមិនទាន់មានការឈប់បាញ់នោះឡើយ។
ក្រសួងការពារជាតិកម្ពុជាបានចេញសេចក្ដីប្រកាសព័ត៌មានបន្ថែមនៅថ្ងៃទី២៥ មេសា ថាកងទ័ពខ្មែរ-ថៃ នៅតែប៉ះទង្គិចគ្នា ហើយរហូតមកទល់ពេលនេះ ធ្វើឲ្យប្រជាពលរដ្ឋស៊ីវិលខ្មែរ បានកើនឡើងដល់ជាង១ម៉ឺន ៧ពាន់នាក់ហើយ និងធ្វើឲ្យសាលារៀនមួយខ្នង និងផ្ទះ ១០ខ្នងនៅខ្សែបន្ទាត់ព្រំដែន នៃខែត្រឧត្តរមានជ័យនោះ។
ការប្រយុទ្ធគ្នាតាំងពីថ្ងៃទី២២ មេសា មក ភាគីខ្មែរ-ថៃ បានចោទគ្នាទៅវិញទៅមក។ លោក អាភីស៊ិត វ៉េតចាជីវ៉ាក់ (Abhisit Vejjajiva) បានឲ្យកាសែត ឌឺណេហ្សិន (The Nation) របស់ថៃដឹងថា ការប្រយុទ្ធគ្នាជាថ្មីបានចាប់ផ្ដើមឡើងដោយភាគីកម្ពុជា ដើម្បីយកឱកាសបាញ់គ្នាធ្វើជាការចាប់អារម្មណ៍ពីឆាកអន្តរជាតិ ឲ្យមកចូលខ្លួនដោះស្រាយតែប៉ុណ្ណោះ ផ្ទុយទៅវិញ ទ័ពថៃចាំបាច់ត្រូវតបតវិញដើម្បីការពារប្រជាពលរដ្ឋរបស់ខ្លួន។
ទោះជាយ៉ាងណាក៏ដោយ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា លោក ស្រី ខារ៉ល រ៉ុដលី ( Caroll Rodly) បានថ្លែងទៅកាន់ក្រុមអ្នកសារព័ត៌មានក្នុងទិវាភពផែនដីនៅឯសាលាបឋមសិក្សាភ្នំពេញថ្មីនាថ្ងៃទី២៥ ខែមេសា ដោយស្នើឲ្យកម្ពុជា-ថៃ បញ្ឈប់ការប្រយុទ្ធគ្នាជាបន្ទាន់ ហើយជួបចរចាគ្នាដោយសន្តិវិធីឡើងវិញ។
លោក កុយ គួង បានសាទរចំពោះការអំពាវនាវរបស់លោកស្រី ខារ៉ល រ៉ុដលី នេះ ដោយលោកបញ្ជាក់ថា កន្លងមកកម្ពុជាស្វាគមន៍ចំពោះការចរចាដោយសន្តិវិធី ផ្ទុយទៅវិញ ភាគីថៃទេដែលជាអ្នកបង្កបញ្ហា។
ផ្ទុយទៅវិញ អ្នកវិភាគនយោបាយបានបញ្ជាក់ថា ថៃបានប្រើកម្លាំងទ័ពជាថ្មីវាយប្រហារកម្ពុជានេះ ក្នុងគោលបំណងបង្ខំឲ្យកម្ពុជាព្រមតាមសំណើរបស់ខ្លួន ចរចាទ្វេភាគី ហើយបំភ្លេចចោលភាគីទីបី ដែលកម្ពុជារំពឹងថា នឹងអាចដោះស្រាយជម្លោះនេះបានប្រកបដោយយុត្តិធម៌។
អ្នកវិភាគនយោបាយ លោក បណ្ឌិត សុខ ទូច បានបញ្ជាក់ថា ថៃកំពុងលេងល្បែងនយោបាយជាមួយកម្ពុជា គ្មានដាក់ដើមទុន មានន័យថា ថៃបានយកលេសថា តំបន់ប្រាសាទព្រះវិហារជារបស់ថៃ ហើយសិនគេធ្វើការដោះស្រាយជាមួយកម្ពុជា បើសិនជាថៃចាញ់ គឺថៃគ្មានខាតបង់អ្វីទេ ផ្ទុយទៅវិញ កម្ពុជាទេដែលជាអ្នកខាតបង់។
ទាក់ទងទៅនឹងការពន្យារពេលរបស់ប្រធានអាស៊ានមកកម្ពុជានេះ លោក ឈាង វណ្ណារិទ្ធិ នាយកប្រតិបត្តិវិទ្យាស្ថានខ្មែរសម្រាប់សហប្រតិបត្តិការ និងសន្តិភាព បានលើកឡើងថា នេះជាការឆ្លុះបញ្ចាំងសាជាថ្មីម្ដងទៀតថា ថៃប្រឆាំងទៅនឹងប្រធានអាស៊ាន ក្នុងការទទួលយកអ្នកសង្កេតការណ៍ឥណ្ឌូណេស៊ី។
កាសែតបាងកកប៉ុស្តិ៍របស់ថៃ (Bangkok Post) នៅថ្ងៃទី២៥ មេសា បានស្រង់សំដីលោក កាស៊ិត ភិរម្យ (Kasit Piromya) រដ្ឋមន្ត្រីក្រសួងការបរទេសថៃបានមានប្រសាសន៍ថា លោក ម៉ាទី ណាតាឡេហ្គាវ៉ា នឹងអញ្ជើញទៅដល់ទីក្រុងបាងកក នៅទី២៥ មេសា នេះ ដើម្បីពិភាក្សាអំពីស្ថានភាពជម្លោះព្រំដែនខ្មែរ-ថៃ។ លោក កាស៊ិ ភិរម្យ នឹងជួបលោក មាទី នៅឯប្រលានយន្តហោះនៅម៉ោង ៧យប់នេះ។ បន្ទាប់លោក មាទី នឹងអញ្ជើញមកកម្ពុជា ដើម្បីជួបលោកឧបនាយករដ្ឋមន្ត្រី ហោ ណាំហុង។
ប៉ុន្តែយ៉ាងនេះក្ដី រហូតមកទល់ល្ងាចថ្ងៃច័ន្ទ ទី២៥ មេសា ក្រសួងការបរទេសខ្មែរមិនទាន់ទទួលដំណឹងពីលោក ម៉ាទី ណាតាឡេហ្គាវ៉ា អំពីកាលបរិច្ឆេទសាជាថ្មីថានឹងអញ្ជើញមកកម្ពុជានៅពេលណានោះទេ។
ក្រុមអ្នកវិភាគនយោបាយបានសម្ដែងការព្រួយបារម្ភដល់ជនភៀសខ្លួនកម្ពុជាថា ពួកគេនឹងប្រឈមនឹងការលំបាក ព្រោះថា សង្គ្រាមរវាងកម្ពុជា-ថៃ នឹងមិនអាចបញ្ចប់ទៅវិញ ឆាប់ៗនេះទេ យ៉ាងហោចណាស់ក៏រយៈពេលមួយឆ្នាំទៀតដែរ ហើយការបញ្ចប់សង្គ្រាមនេះបានលុះត្រាណាស្ថានការណ៍នយោបាយផ្ទៃក្នុងថៃស្ងប់ស្ងាត់ទៅវិញ ពីព្រោះថា ស្ថានភាពនយោបាយថៃកំពុងតែវឹកវរនាពេលបច្ចុប្បន្ន។
នៅថ្ងៃទី ២៥ មេសានេះ រដ្ឋមន្ត្រីសុខភាពសាធារណៈថៃ លោក ជុរីន ឡាក់សាណាវិស៊ីត (Jurin Laksanavisit) បានប្រាប់កាសែតថៃឈ្មោះ បាងកកប៉ុស្តិ៍ (Bangkok Post) ថា ទាហានថៃស្លាប់ចំនួន ៥ នាក់ និងរបួស ២៨ នាក់ក្នុងការប្រយុទ្ធគ្នារយៈពេលបីថ្ងៃ។ មានសេចក្ដីរាយការណ៍ថា ទាហានកម្ពុជាស្លាប់ចំនួន ៦ នាក់។
ទោះជាយ៉ាងណាក៏ដោយ អ្នកវិភាគនយោបាយបានអំពាវនាវឲ្យរដ្ឋមន្ត្រីការពារជាតិក្នុងតំបន់អាស៊ាន ធ្វើការកោះប្រជុំជាបន្ទាន់ ដើម្បីធ្វើឲ្យមានបទឈប់បាញ់ជាអចិន្ត្រៃយ៍ ហើយតម្រូវឲ្យភាគីថៃ-កម្ពុជា រកច្រកដោះស្រាយដោយសន្តិវិធីវិញ ជៀសវាងធ្វើឲ្យស្លាប់ទាហាន និងប្រជាពលរដ្ឋស៊ីវិលនៃប្រទេសទាំងពីរជាបន្តទៀត៕
Radio Free Asia
ដោយ ទីន ហ្សាការីយ៉ា
2011-04-25
URL:http://www.rfa.org/khmer/indepth/asean_leader_dont_come-04252011071558.html
គម្រោងទស្សនកិច្ចរបស់ប្រធានអាស៊ាន លោក មាទី ណាតាឡេ ហ្គាវ៉ា (Marty Natalegawa) មកកម្ពុជា ត្រូវបានពន្យារពេលវិញហើយ នៅខណៈដែលកងទ័ពខ្មែរ-ថៃ កំពុងតែបន្តការវាយប្រហារគ្នា។
ប្រធានសមាគមអាស៊ាន និងជារដ្ឋមន្ត្រីក្រសួងការបរទេសឥណ្ឌូណេស៊ី បានពន្យារពេលអញ្ជើញមកកម្ពុជាគ្មានពេលកំណត់ និងគ្មានមូលហេតុច្បាស់លាស់ ដើម្បីចុះហត្ថលេខាលើលក្ខខ័ណ្ឌប្រតិបត្តិដាក់អ្នកសង្កេតការណ៍ឥណ្ឌូណេស៊ីនៅខ្សែបន្ទាត់ព្រំដែនខ្មែរ-ថៃ។
មន្ត្រីនាំពាក្យក្រសួងការបរទេសខ្មែរ លោក កុយ គួង បានឲ្យដឹងថា នៅព្រឹកថ្ងៃទី២៥ មេសា ក្រសួងការបរទេសកម្ពុជាបានទទួលលិខិតពន្យារពេលពីលោក ម៉ាទី ណាតាឡេហ្គាវ៉ា (Marty Natalegawa) ដោយមិនបានបញ្ជាក់អំពីមូលហេតុ ហើយក៏មិនបានបញ្ជាក់អំពីកាលបរិច្ឆេទជាថ្មី ថានៅថ្ងៃណា លោកនឹងកំណត់ពេលមកប្រទេសកម្ពុជាទេ។
ការពន្យារពេលរបស់ប្រធានអាស៊ាន លោក ម៉ាទី ណាតាឡេហ្គាវ៉ា ត្រូវបានអ្នកវិភាគនយោបាយកម្ពុជាពន្យល់ថា នៅក្នុងកាលៈទេសៈដែលទាហានទាំពីរកំពុងតែប្រយុទ្ធគ្នា នៅឯសមរភូមិ ហើយប្រធានអាស៊ានបានពន្យារពេលទៅវិញនេះ វាបង្ហាញកាន់តែច្បាស់ថែមទៀតថា អាស៊ានមិនមានអំណាចអ្វីដើម្បីឲ្យថៃបញ្ឈប់បទឈប់បាញ់ជាអចិន្ត្រៃយ៍បាននោះឡើយ។
ប្រធានមជ្ឈមណ្ឌលវប្បធម៌ជាតិ និងសីលធម៌សង្គម លោក ប៉ូ សំណាង បានអធិប្បាយថា ភាគីថៃក៏មានតួនាទីធំនៅក្នុងសមាគមអាស៊ានដែរ ថៃគឺជាអគ្គលេខាធិការអាស៊ាន ដូច្នេះគេមិនសង្ឃឹមថា ប្រធានអាស៊ានមានឯករាជ្យភាពក្នុងការដោះស្រាយបញ្ហាជម្លោះខ្មែរ-ថៃនេះទេ។
ទោះជាយ៉ាងនេះក្ដី គេសង្កេតឃើញថា លោក មាទី ណាតាឡេហ្គាវ៉ា ក៏បានខិតខំដើម្បីស្វែងរកច្រកមួយដោះស្រាយបញ្ចប់ជម្លោះខ្មែរ-ថៃនេះដែរ ពីព្រោះកាលពីថ្ងៃទី២៣ មេសា លោកបានផ្ញើលិខិតមួយច្បាប់ឆ្លើយតបទៅនឹងលិខិតស្នើសុំអន្តរាគមន៍របស់លោក ហោ ណាំហុង កាលពីថ្ងៃទី២២ មេសា នេះ។
ក្នុងលិខិតនោះ បានបញ្ជាក់ពីភាពចាំបាច់ដើម្បីជៀសវាងកុំឲ្យប៉ះទង្គិចផ្ទុះអាវុធជាថ្មីម្ដងទៀត លក្ខខ័ណ្ឌប្រតិបត្តិដាក់អ្នកសង្កេតការណ៍ឥណ្ឌូណេស៊ីនៅខ្សែបន្ទាត់ព្រំដែន ត្រូវតែបន្តធ្វើការចរចាពីបញ្ហាព្រំដែនខ្មែរដោយមានការចូលរួមពីប្រធានអាស៊ាន និងប្រធានអាស៊ានបានជួនដំណឹងវាយប្រយុទ្ធគ្នារវាងកងទ័ពខ្មែរ-ថៃ ទៅក្រុមប្រឹក្សាសន្តិសុខអាស៊ានរួចហើយ ដើម្បីឲ្យមានវិធានការសមសម្រប។
ស្របពេលជាមួយគ្នា កាលពីថ្ងៃទី២៤ មេសា អគ្គលេខាធិការអង្គការសហប្រជាជាតិ លោក បាន គីមួន (Ban Ki-moon) ក៏បានស្នើឲ្យកម្ពុជា-ថៃ បញ្ឈប់ធ្វើសង្គ្រាមនិងគ្នាជាបន្ទាន់ ហើយអំពាវនាវឲ្យភាគីទាំងពីរដោះស្រាយបញ្ហានេះដោយសន្តិវិធី និងឲ្យមានប្រសិទ្ធភាពវិញ។ ផ្ទុយទៅវិញ ការវាយប្រយុទ្ធគ្នារវាងកងទ័ពទាំងពីរនៅតែបន្តរហូតដល់ថ្ងៃទី២៥ មេសា នេះមិនទាន់មានការឈប់បាញ់នោះឡើយ។
ក្រសួងការពារជាតិកម្ពុជាបានចេញសេចក្ដីប្រកាសព័ត៌មានបន្ថែមនៅថ្ងៃទី២៥ មេសា ថាកងទ័ពខ្មែរ-ថៃ នៅតែប៉ះទង្គិចគ្នា ហើយរហូតមកទល់ពេលនេះ ធ្វើឲ្យប្រជាពលរដ្ឋស៊ីវិលខ្មែរ បានកើនឡើងដល់ជាង១ម៉ឺន ៧ពាន់នាក់ហើយ និងធ្វើឲ្យសាលារៀនមួយខ្នង និងផ្ទះ ១០ខ្នងនៅខ្សែបន្ទាត់ព្រំដែន នៃខែត្រឧត្តរមានជ័យនោះ។
ការប្រយុទ្ធគ្នាតាំងពីថ្ងៃទី២២ មេសា មក ភាគីខ្មែរ-ថៃ បានចោទគ្នាទៅវិញទៅមក។ លោក អាភីស៊ិត វ៉េតចាជីវ៉ាក់ (Abhisit Vejjajiva) បានឲ្យកាសែត ឌឺណេហ្សិន (The Nation) របស់ថៃដឹងថា ការប្រយុទ្ធគ្នាជាថ្មីបានចាប់ផ្ដើមឡើងដោយភាគីកម្ពុជា ដើម្បីយកឱកាសបាញ់គ្នាធ្វើជាការចាប់អារម្មណ៍ពីឆាកអន្តរជាតិ ឲ្យមកចូលខ្លួនដោះស្រាយតែប៉ុណ្ណោះ ផ្ទុយទៅវិញ ទ័ពថៃចាំបាច់ត្រូវតបតវិញដើម្បីការពារប្រជាពលរដ្ឋរបស់ខ្លួន។
ទោះជាយ៉ាងណាក៏ដោយ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា លោក ស្រី ខារ៉ល រ៉ុដលី ( Caroll Rodly) បានថ្លែងទៅកាន់ក្រុមអ្នកសារព័ត៌មានក្នុងទិវាភពផែនដីនៅឯសាលាបឋមសិក្សាភ្នំពេញថ្មីនាថ្ងៃទី២៥ ខែមេសា ដោយស្នើឲ្យកម្ពុជា-ថៃ បញ្ឈប់ការប្រយុទ្ធគ្នាជាបន្ទាន់ ហើយជួបចរចាគ្នាដោយសន្តិវិធីឡើងវិញ។
លោក កុយ គួង បានសាទរចំពោះការអំពាវនាវរបស់លោកស្រី ខារ៉ល រ៉ុដលី នេះ ដោយលោកបញ្ជាក់ថា កន្លងមកកម្ពុជាស្វាគមន៍ចំពោះការចរចាដោយសន្តិវិធី ផ្ទុយទៅវិញ ភាគីថៃទេដែលជាអ្នកបង្កបញ្ហា។
ផ្ទុយទៅវិញ អ្នកវិភាគនយោបាយបានបញ្ជាក់ថា ថៃបានប្រើកម្លាំងទ័ពជាថ្មីវាយប្រហារកម្ពុជានេះ ក្នុងគោលបំណងបង្ខំឲ្យកម្ពុជាព្រមតាមសំណើរបស់ខ្លួន ចរចាទ្វេភាគី ហើយបំភ្លេចចោលភាគីទីបី ដែលកម្ពុជារំពឹងថា នឹងអាចដោះស្រាយជម្លោះនេះបានប្រកបដោយយុត្តិធម៌។
អ្នកវិភាគនយោបាយ លោក បណ្ឌិត សុខ ទូច បានបញ្ជាក់ថា ថៃកំពុងលេងល្បែងនយោបាយជាមួយកម្ពុជា គ្មានដាក់ដើមទុន មានន័យថា ថៃបានយកលេសថា តំបន់ប្រាសាទព្រះវិហារជារបស់ថៃ ហើយសិនគេធ្វើការដោះស្រាយជាមួយកម្ពុជា បើសិនជាថៃចាញ់ គឺថៃគ្មានខាតបង់អ្វីទេ ផ្ទុយទៅវិញ កម្ពុជាទេដែលជាអ្នកខាតបង់។
ទាក់ទងទៅនឹងការពន្យារពេលរបស់ប្រធានអាស៊ានមកកម្ពុជានេះ លោក ឈាង វណ្ណារិទ្ធិ នាយកប្រតិបត្តិវិទ្យាស្ថានខ្មែរសម្រាប់សហប្រតិបត្តិការ និងសន្តិភាព បានលើកឡើងថា នេះជាការឆ្លុះបញ្ចាំងសាជាថ្មីម្ដងទៀតថា ថៃប្រឆាំងទៅនឹងប្រធានអាស៊ាន ក្នុងការទទួលយកអ្នកសង្កេតការណ៍ឥណ្ឌូណេស៊ី។
កាសែតបាងកកប៉ុស្តិ៍របស់ថៃ (Bangkok Post) នៅថ្ងៃទី២៥ មេសា បានស្រង់សំដីលោក កាស៊ិត ភិរម្យ (Kasit Piromya) រដ្ឋមន្ត្រីក្រសួងការបរទេសថៃបានមានប្រសាសន៍ថា លោក ម៉ាទី ណាតាឡេហ្គាវ៉ា នឹងអញ្ជើញទៅដល់ទីក្រុងបាងកក នៅទី២៥ មេសា នេះ ដើម្បីពិភាក្សាអំពីស្ថានភាពជម្លោះព្រំដែនខ្មែរ-ថៃ។ លោក កាស៊ិ ភិរម្យ នឹងជួបលោក មាទី នៅឯប្រលានយន្តហោះនៅម៉ោង ៧យប់នេះ។ បន្ទាប់លោក មាទី នឹងអញ្ជើញមកកម្ពុជា ដើម្បីជួបលោកឧបនាយករដ្ឋមន្ត្រី ហោ ណាំហុង។
ប៉ុន្តែយ៉ាងនេះក្ដី រហូតមកទល់ល្ងាចថ្ងៃច័ន្ទ ទី២៥ មេសា ក្រសួងការបរទេសខ្មែរមិនទាន់ទទួលដំណឹងពីលោក ម៉ាទី ណាតាឡេហ្គាវ៉ា អំពីកាលបរិច្ឆេទសាជាថ្មីថានឹងអញ្ជើញមកកម្ពុជានៅពេលណានោះទេ។
ក្រុមអ្នកវិភាគនយោបាយបានសម្ដែងការព្រួយបារម្ភដល់ជនភៀសខ្លួនកម្ពុជាថា ពួកគេនឹងប្រឈមនឹងការលំបាក ព្រោះថា សង្គ្រាមរវាងកម្ពុជា-ថៃ នឹងមិនអាចបញ្ចប់ទៅវិញ ឆាប់ៗនេះទេ យ៉ាងហោចណាស់ក៏រយៈពេលមួយឆ្នាំទៀតដែរ ហើយការបញ្ចប់សង្គ្រាមនេះបានលុះត្រាណាស្ថានការណ៍នយោបាយផ្ទៃក្នុងថៃស្ងប់ស្ងាត់ទៅវិញ ពីព្រោះថា ស្ថានភាពនយោបាយថៃកំពុងតែវឹកវរនាពេលបច្ចុប្បន្ន។
នៅថ្ងៃទី ២៥ មេសានេះ រដ្ឋមន្ត្រីសុខភាពសាធារណៈថៃ លោក ជុរីន ឡាក់សាណាវិស៊ីត (Jurin Laksanavisit) បានប្រាប់កាសែតថៃឈ្មោះ បាងកកប៉ុស្តិ៍ (Bangkok Post) ថា ទាហានថៃស្លាប់ចំនួន ៥ នាក់ និងរបួស ២៨ នាក់ក្នុងការប្រយុទ្ធគ្នារយៈពេលបីថ្ងៃ។ មានសេចក្ដីរាយការណ៍ថា ទាហានកម្ពុជាស្លាប់ចំនួន ៦ នាក់។
ទោះជាយ៉ាងណាក៏ដោយ អ្នកវិភាគនយោបាយបានអំពាវនាវឲ្យរដ្ឋមន្ត្រីការពារជាតិក្នុងតំបន់អាស៊ាន ធ្វើការកោះប្រជុំជាបន្ទាន់ ដើម្បីធ្វើឲ្យមានបទឈប់បាញ់ជាអចិន្ត្រៃយ៍ ហើយតម្រូវឲ្យភាគីថៃ-កម្ពុជា រកច្រកដោះស្រាយដោយសន្តិវិធីវិញ ជៀសវាងធ្វើឲ្យស្លាប់ទាហាន និងប្រជាពលរដ្ឋស៊ីវិលនៃប្រទេសទាំងពីរជាបន្តទៀត៕
No comments:
Post a Comment