ទ័ពខ្មែរនិងថៃប្រយុទ្ធគ្នាទៀតនៅថ្ងៃអង្គារនេះ
Radio Free Asia
ដោយ អ៊ួន ឈិន
2011-04-25
URL:http://www.rfa.org/khmer/indepth/new_clash_between_khmer_thai-04252011073908.html
អ្នកយកព័ត៌មានវិទ្យុអាស៊ីសេរីបានរាយការណ៍ពីខេត្តឧត្តរមានជ័យមកថា កងទ័ពខ្មែរ និងថៃប៉ះប្រយុទ្ធគ្នាមួយប្រាវទៀត នៅម៉ោង ៦ ល្ងាចថ្ងៃអង្គារទី ២៥ ខែមេសានេះ។
នៅល្ងាចថ្ងៃទី ២៥ មេសា ក្រសួងការបរទេសកម្ពុជា បានចេញសេចក្តីប្រកាសព័ត៌មានថា កាលពីវេលាម៉ោង ១ និង ៤៥ នាទីរសៀល មានយន្តហោះថៃចំនួន ២ គ្រឿង បានហោះតាមបណ្ដោយព្រំដែនថៃ-កម្ពុជា លើតំបន់ប្រសាទតាមាន់ និងប្រាសាទតាក្របី ដែលភាគីកម្ពុជាចាត់ទុកការហោះហើរនេះជាការញុះញង់បង្កហេតុ និងគំរាមកំហែងសន្តិសុខជាតិកម្ពុជា ព្រមទាំងធ្វើឱ្យស្ថានការណ៍សឹកនៅតំបន់នោះកាន់តែតានតឹងថែមទៀត។
សេចក្តីប្រកាសព័ត៌មានបន្តថា នៅវេលាម៉ោង ១ និង ៥៥ នាទីរសៀល ទាហានថៃបានបាញ់កាំភ្លើងផ្លោងធុន ១៥៥ ម.ម ចំនួន ៦ គ្រាប់ចូលតំបន់គោកមន មានជម្រៅ ២២ គីឡូម៉ែត្រក្នុងទឹកដីកម្ពុជា ដែលមានជនស៊ីវិលកំពុងរស់នៅ។ មិនមានរបាយការណ៍ណាមួយបញ្ជាក់អំពីការខូចខាតទ្រព្យសម្បត្តិ ឬប៉ះពាល់ជីវិតមនុស្សនៅឡើយទេ រហូតមកដល់ម៉ោង ៧ និង ១៥ នាទី៕
No comments:
Post a Comment