VOA
18 July 2020
មន្ត្រីតៃវ៉ាន់ដែលប្រចាំការនៅទីក្រុងហុងកុងត្រូវអាជ្ញាធរហុងកុងជូនដំណឹងថាទិដ្ឋាការរបស់ពួកគេនឹងមិនត្រូវបានពន្យារទេ ប្រសិនបើពួកគេមិនចុះហត្ថលេខាលើឯកសារគាំទ្រការទាមទាររបស់រដ្ឋាភិបាលទីក្រុងប៉េកាំងឲ្យតៃវ៉ាន់ស្ថិតនៅក្នុងគោលនយោបាយ«ចិនតែមួយ»របស់ខ្លួន។ នេះបើតាមប្រភពដែលស្និទ្ធនឹងរឿងនេះប្រាប់ទៅភ្នាក់ងារព័ត៌មាន Reuters។
វិធានការចុងក្រោយនេះកើតមានឡើងក្រោយពីតៃវ៉ាន់បានរិះគន់ច្បាប់សន្តិសុខជាតិថ្មីដែលអាជ្ញាធរចិនដាក់ចំពោះក្រុងហុងកុង ហើយក្រោយពីតៃវ៉ាន់បានបើកការិយាល័យថ្មីមួយនៅទីក្រុងតៃប៉ិក្នុងខែនេះដើម្បីជួយពលរដ្ឋហុងកុងដែលចង់ចាកចេញពីមជ្ឈមណ្ឌលហិរញ្ញវត្ថុអាស៊ីមួយនេះ។
No comments:
Post a Comment