មនុស្សជាអ្នកបង្កើត និងជាអ្នកបំផ្លាញខ្លួនឯង

នៅក្នុងឃ្លាំងអាវុធនៃការគិត មនុស្សម្នាក់ គេអាចបង្កើតអាវុធដែលប្រល័យខ្លួនបាន ហើយក៏អាចបង្កើតឧបករណ៍ ដែលធ្វើឲ្យខ្លួនមានសុភមង្គលបានដែរ។  ដោយជ្រើសរើសដ៏ត្រឹមត្រូវ ព្រមទាំងការអនុវត្តត្រូវ មនុស្សមា្នក់បាន តម្លើងខ្លួនឯងទៅជាមនុស្សល្អឥតខ្ចោះ។  

ដោយការជ្រើសរើសខុស និងការអនុវត្តខុស មនុស្សម្នាក់បានទម្លាក់ខ្លួនឯងឲ្យទៅជាសត្វតិរច្ឆាន។  នៅក្នុង ចន្លោះការគិតទាំងពីរប្រភេទនេះ វាបានបង្កើតឲ្យមានចរិតគ្រប់បែបយ៉ាង ដែលចរិតខ្លះជួយឲ្យមនុស្សរុងរឿង ហើយចរិតខ្លះទៀតបំផ្លាញមនុស្ស។

ជាមួយនឹងការគិតទាំងអស់ ដែលនាំមកនូវពន្លឺដ៏ត្រចះត្រចង់ដល់ភពផែនដីនេះ គ្មានការគិតណាល្អជាង ការគិតដែលថាមនុស្សជាម្ចាស់នៃការគិតរបស់ខ្លួន ជាអ្នកសូនចេញនូវចរិតលក្ខណៈរបស់ខ្លួន និងជាអ្នក កំណត់នូវស្ថានភាពបរិស្ថាន និងវាសនារបស់ខ្លួន។
                                                      James Allen, អាថ៌កំបាំងនៃការកំណត់ជោគវាសនា (២០១៦)