នៅថៃមិនឱ្យផ្សព្វផ្សាយពាណិជ្ជកម្មស្រាគ្រប់រូបភាព

by VOD
August 10, 2019

រដ្ឋាភិបាលថៃមិនលើកទឹកចិត្តឱ្យប្រជាពលរដ្ឋទទួលទានគ្រឿងស្រវឹង ហើយក៏បានបង្កើតច្បាប់គ្រប់គ្រងព្រោះយល់ឃើញថា ពលរដ្ឋជោគជាំដោយគ្រឿងស្រវឹងមានផលប៉ះពាល់ច្រើនជាងផលប្រយោជន៍។​

នៅក្នុងប្រទេសថៃរួមទាំងទីក្រុងបាងកកផង មិនមានឃើញដាក់បដាផ្សព្វផ្សាយគ្រឿងស្រវឹងតាមភ្លើងស្តុប តាមដងផ្លូវនានា ឬតាមអគារជាផ្ទះឯកជនទេ។ ចំណែកនៅលើប្រព័ន្ធផ្សព្វផ្សាយរួមមានទូរទស្សន៍ វិទ្យុ បណ្តាញទំនាក់ទំនងសង្គមរួមទាំង Facebook Twitters Youtube ជាដើមក៏មិនអនុញ្ញាតឱ្យមានដែរ។​

នៅតាមដងផ្លូវក្នុងប្រទេសថៃ មិនសូវមានបដា ឬ រូបភាពផ្សេងៗច្រើន គឺមានរូបព្រះមហាក្សត្រ និងរូបភាពនៃគម្រោងអភិវឌ្ឍន៍មួយចំនួនទៅវិញ។​ ចំណែកគ្រឿងស្រវឹងគឺមិនមានផ្សព្វផ្សាយសោះតែម្តង។​
Read full article