​រថ​យន្ត​ដឹក​កម្មករ​នៅ​តែ​បន្ត​គ្រោះ​ថ្នាក់​លើ​ផ្លូវ​ថ្នល់ ខណៈ​ការ​ទប់​ស្កាត់​គ្មាន​ប្រសិទ្ធ​ភាព​

RFI
July 30, 2019

យ៉ាង​ហោច​ណាស់​កម្មការិនី​ពីរ​នាក់​បាន​ស្លាប់ ខណៈ​កម្មការិនី​៣១នាក់​ទៀត​បាន​រង​របួស​ក្នុង​ហេតុការណ៍​ក្រឡាប់​រថយន្ត​ដឹក​កម្មករ​មួយ​គ្រឿង នៅ​ថ្ងៃទី៣០​ខែកក្កដា​នេះ ក្នុង​ស្រុក​ស្វាយ​ទាប ខេត្ត​ស្វាយ​រៀង។ ភ្លាមៗ​ក្រសួង​ការងារ​និង​សហជីព​មួយ​ចំនួន​បាន​ចូល​រួម​សោក​ស្ដាយ​ចំពោះ​ហេតុ​ការណ៍​នេះ​។ ប៉ុន្តែ​អ្វី​គួរ​កត់​សម្គាល់ នេះ​មិន​មែន​ជា​លើក​ទីមួយ​ឡើយ ដែល​រថយន្ត​ដឹក​កម្មករ​នៅ​តែ​បន្ត​គ្រោះ​ថ្នាក់​លើ​ផ្លូវ​ថ្នល់ ខណៈ​ក្រុម​សហជីព​បាន​រិះគន់​ចំពោះ​ចំណាត់​ការ​ទប់​ស្កាត់​គ្មាន​ប្រសិទ្ធិភាព​របស់​ភាគី​ពាក់​ព័ន្ធ​។ 

វិធានការណ៍​ទប់​ស្កាត់​ដែល​ដាក់​ចេញ​ដោយ​ភាគី​ពាក់​ព័ន្ធ​កន្លង​មក គឺ​អ្នក​បើក​បរ​ដឹក​កម្មករ​កម្មការនី ត្រូវ​គោរព​ច្បាប់​ចរាចរណ៍ មិន​ផ្ទុក​មនុស្ស​លើក​កំណត់ ត្រូវ​ត្រួត​ពិនិត្យ​បច្ចេក​ទេស​រថយន្ត​ខណៈវិធាន​ការណ៍​ នៅនឹងកន្លែង គណៈ​កម្មាធិការ​ជាតិ ក៏​បាន​ចុះ​ផ្សព្វផ្សាយ​ច្បាប់ចរាចរណ៍​ដល់​កម្មករ​កម្មការនី និង​អ្នក​បើក​បរ​រថយន្ត​ដឹក​កម្មករ​ ត្រួត​ពិនិត្យ​បណ្ណ​បើក​បរ និង​ហាម​ឃាត់​មិនឲ្យ​ដាក់​លើស​ចំណុះ​ផង​ដែរ​។
Read full article