Nokor Khmer offers unique overview of news across Cambodia, ASEAN, and certain perspectives. The unique way of getting closer to screening news headlines across the globe.
FOX News : Health
07 January, 2012
អត្រាមរណភាពរបស់ទារកនិងកុមារក្រោមអាយុ៥ឆ្នាំមានការថយចុះ
Kampuchea Thmey, 06 January 2011
ភ្នំពេញ ៖ តំណាងអង្គការយូនីសេហ្វប្រចាំប្រទេសកម្ពុជាបានមានប្រសាសន៍ថា អត្រាមរណភាពរបស់ទារក និង កុមារអាយុក្រោម៥ឆ្នាំនៅប្រទេសកម្ពុជាបានថយចុះគួរឲ្យកត់សម្គាល់ ហើយអត្រាកុមារចុះឈ្មោះចូលរៀនមាការកើនឡើងផងដែរ។
លោក Richard Bridle តំណាងអង្គការយូនីសេហ្វប្រចាំប្រទេសកម្ពុជាបានមានប្រសាសន៍នៅក្នុងពិធីផ្សព្វផ្សាយព្រឹត្តិបត្រស្ថានភាពកុមារ កាលពីថ្ងៃទី ០៥ ខែមករា ឆ្នាំ២០១២ ឲ្យដឹងថាអត្រាមរណភាពរបស់ទារកបានកាត់បន្ថយពាក់កណ្ដាលពី៩៥នាក់ក្នុង១ពាន់កំណើតរស់នៅក្នុងឆ្នាំ២០០០មកនៅត្រឹម ៤៥នាក់ ក្នុងឆ្នាំ ២០១០។ ទន្ទឹមពេលនេះ អត្រាមរណភាពរបស់កុមារក្រោមអាយុ៥ឆ្នាំបានធ្លាក់ចុះ១២៤នាក់មកនៅត្រឹម៤៥នាក់។
លោក វេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍ឲ្យដឹងថាដែរថា ការធ្លាក់ចុះអត្រាមរណភាពមិនមែនតែចំពោះទារកនិង កុមារប៉ុណ្ណោះទេ រីឯអត្រាមរណភាពរបស់មាតាក៏មានការធ្លាក់ចុះគួរឲ្យកត់សម្គាល់ផងដែរ។
លោក បន្តថា ការធ្លាក់ចុះនូវអត្រាស្លាប់របស់ទារក កុមារ និងមាតា នេះបានបង្ហាញឲ្យឃើញពីភាពជោគជ័យរបស់ប្រទេសកម្ពុជា ជាពិសេសក្រសួងសុខាភិបាល និង អង្គការអភិវឌ្ឍន៍នានា ដែលបានខិតខំប្រឹងប្រែង ក្នុងការអនុវត្តលើការថែទាំសុខភាពដល់កុមារ និងស្ត្រី។ជាងនេះទៅទៀត ភាពជោគជ័យទាំងនេះមិនអាចខ្វះបានពីការគាំទ្រយ៉ាងពេញទំហឹងពីសំណាក់សម្ដេចអគ្គមហាសេនាបតីតេជោហ៊ុនសែន និង លោក ជំទាវកិត្តិព្រឹទ្ធបណ្ឌិត ដែលជានិច្ចកាលសម្ដេច និង លោកជំទាវតែងតែគិតគូរអំពីសុខមាលភាពរបស់កុមារ និង ស្ត្រីយើង៕
សំអឿន
Subscribe to:
Post Comments (Atom)
សារព័ត៌មានអន្តរជាតិInternational News
No comments:
Post a Comment